July 24, 2010

2010 ՏԵ տեղի ունենալիքի ծրագիրը



ՀՈՒԼԻՍԻ 31 | Զարուբյան 34, Այգի

19:12
Մելինէ Տէր Մինասեան և Լողելին Քոենիգ
Ինքնահավաստում երկու ակվարիումների և մի չուներիի համար
Ձևախաղ Վիոլետ Գրիգորյանի «Ինքնահավաստում» բանաստեղծության շուրջ (ֆրանսերենով ու հայերենով)։

19:38
Լիլիա Խաչատրյան, Անեսթեզված տեքստ. թարգմանությունը որպես սնանկ հավակնություն, էսսե։
Տատիա Սխիրթլաձե (in absentia), Իսկական երազ ա, գիտես, լուսանկար։

20:04
Արաքսի Ներկարարյան, Սիրո դրսևորում № 02. Պեպենակ, ընթացիկ պերֆորմանս։

20:06
Ծօմակ Օգա, Տատա, վիդեոկլիպ։
Լուսի Աբդալեան, ֆոտոշարք։
Լուսինե Վայաչյան, Մենք՝ որ հարցեր չտան, վիդեոիմպրովիզացիա։
Օկեան, Հոգմապար, ֆոտոշարք։

21:01
Մելիսա Բոյաջեան
Delicious Fruit (2010)
Կարճ փորձարարական վիդեո, որն օգտագործում է Փարաջանովի «Նռան գույնը» (1969) արքետիպային ֆիլմից վերակոնտեքստավորված կադրեր։

I need you to need me to need you (2010)
Երեք պանելով վիդեո, որտեղ արվեստագետներ Ֆրեդ Աթան և Մելիսա Բոյաջեանն օգտագործել են մանկական խաղեր որպես չափահաս հարաբերությունների իշխանության դինամիկան արտահայտող փոխաբերություն։

Basic Conversational Armenian (2007)
Երկու պանելով վիդեո կառուցված արևմտյան հայերենով ժապավենների վրա, որ հետազոտում է սփյուռքահայ ինքնության բարդույթներն ու փորձերը սովորեցնել ու սովորել տեղահանված լեզուն, հաշտեցնելով մինչ այդ լեզվում ներգրված գենդերային կոդերը, սեռականությունը և իշխանության պայքարը։

Tip of the Tongue Phenomenon (2006)
Փորձարարական վիդեո, որում սուբյեկտը չափազանցեցված ձևով կապում է իր լեզուն և այնուհետև փորձում խոսել։

21:58
Բաց քննարկում։


ՕԳՈՍՏՈՍԻ 1 | Զարուբյան 34, Այգի

19:07
Նենսի Ագաբեան, Անահիտ Հայրապետյան, Նուշիկ Սմբատյան, Հայկուհի Ավետիսյան, Հասմիկ Մանուկյան, Տաիշա Աբելար, Գայանե Մարտիրոսյան և Հասմիկ Սիմոնյան
Ֆիզիկական թարգմանություն
Նենսի Ագաբեանի վարած Ֆիզիկական մարմնի վրա հիմնված գրական ստեղծագործական արհեստանոց։ Մասնակիցները կընթերցեն նոր տեքստեր կապված ֆիզիկական փորձի՝ հիվանդության, դիսոցիացիայի, ցավի, ուրախության, փորձարկումների, աթլետիզմի, սեռականության, վերարտադրության, և այլնի հետ:

20:27
Լարա Ահարոնեան (in absentia)
Բ-ի և Լ-ի նամակագրությունը, կընթերցեն՝ Մելինէ Տէր Մինասեանը և Իլեյն Կրիկորեանը։

20:43
Շուշան Ավագյան և լուսինե թալալյան
Զարուբյանի կանայք, տեքստի ու լուսանկարի միջև դիալեկտիկայի հետազոտություն՝ հնարելով և մերկացնելով թարգմանական միջոցները։

21:18
Արփի Ադամյան
Նեյտրալ լարվածություն
Փորձարարական վիդեո Մելինէ Տէր Մինասեանի ներկայացմամբ (28.05.10; Զարուբյան 34)՝ Տէր Մինասեանի և Կարին Գրիգորյանի թարգմանական (Ռոլան Բարտ, «Լուսավոր խցիկ»; ֆրանսերենից՝ հայերեն, անգլերենը որպես լինգուա ֆրանկա) պրոցեսի մասին:

լուսինե թալալյան
Տղայա՞, թե աղջիկ
Փորձարարական վիդեո, ոչինչ չէր մնում անելու մասին, քան պառկել ու չփախչել քաղաքից:

22:04
Բաց քննարկում։

No comments:

Post a Comment